बड्या राजकारण्याच्या नावाने, त्यांच्या नातलगांच्या नावाने आश्रम शाळा , वृद्धाश्रमा पासून ते झोपडपट्ट्या बेकायदेशीर पणे उभ्या करायच्या , NGO ट्रस्ट करून संस्था स्थापन करायच्या आणि सेवेच्या नावा खाली मेवा खायचा …, वर्षाला एक दोन समारंभ करून त्यात जिल्हाधिकाऱ्या पासून पोलीस अधिकारी वरिष्ठ शासकीय अधिकारी आणि संबंधित वरिष्ठ राजकीय नेत्यांचा सत्कार उदो उदो करावयाचा त्याना नजराणे द्यायचे आणि मिडीयाला हाताशी धरून या कार्यक्रमाच्या पानभर पेड जाहिरातीच्या माध्यमातून बातम्या द्यायच्या हा प्रकार देशात राजरोस चालू आहे. राज्यकर्तेही हा प्रकार माहीत असून ही मतांच्या लाचारी साठी खपवून घेतात. आपल्या आई च्या नावाने सुरु असलेल्या माने याच्या आश्रम शाळेत काय धंदे चालतात हे पवार सारख्या मुरब्बी राजकारण्याना माहीत नव्हते या वर कोणी विश्वास ठेवणार नाही . गांधी नेहरू खानदानच्या नावाने प्रत्येक गावातील सरकारी जागेवर गल्ली बोळात उभ्या असलेल्या बेकायदेशीर झोपडपट्याना त्यातील मवाली गुंडाना स्थानिक राजकारण्याचा वरदहस्त असतो हे उघड गुपित झाले आहे…. एखादे वेळी कार्यवाई झालीच तर मानवतावादा च्या नावाने गळे काढायला हे नेते तयारच असतात. ‘तू माङयाशी बायकोप्रमाणो वाग, तुझा पगार वाढवतो, तुला कायम करतो,’ असे आमिष दाखवून वेळोवेळी त्यांनी हा अत्याचार केल्याचे या महिलांनी तक्रारीत म्हटले आहे तर स्वतः लक्ष्मण माने यांनी पोलिसांसमोर हजर झाल्यानंतर बोलताना की मी बलात्कार करण्यासाठी लायक नसतानाही खोटे आरोप करून माझ्यावरच बलात्कार केला जात आहे. एकंदरीत अवघडच आहे. लक्ष्मण माने वर जो पर्यंत गुन्हा शाबित होत नाही तो पर्यंत त्याला गुन्हेगार म्हणू नये…. या तक्रारदार स्त्रिया इतकी वर्षे अत्याचार का ? सहन करत होत्या …. आताच का आरोप होत आहेत ? माने याला बदनाम करण्याचा हा डाव आहे , अश्या तऱ्हेने युक्तिवाद करून माने हा निर्दोष आहे असे सांगण्याचा प्रयत्न होत आहे.
No comments:
Post a Comment